Гипертониянең сәбәбе стресс: йөрәкне һәм кан тамырларын ничек сакларга

Стресс кан басымына ничек йогынты ясый?

2нче номерлы шәһәр дәваханәсе поликлиникасы табиб-кардиологы Сергей Питуганов стрессны куркуга һәм киеренкелеккә организмның табигый реакциясе дип аңлата. Кыска вакытлы стресс җиңел үтәргә мөмкин, ә хроник стресс йөрәк һәм кан тамырлары өчен куркыныч.

Озакка сузылган стресста симпатик нерв системасы активлаша:

Йөрәк ешрак тибә башлый, кан тамырлары кысыла, кан басымы күтәрелә.

«Бу даими рәвештә гормоннарның даими чыгарылуыннан – адреналин һәм норадреналиннан килеп чыга. Вакыт узган саен организм шундый режимда яшәргә өйрәнә, бу исә кан басымының ныклап күтәрелүенә һәм гипертония диагнозына китерә», – дип билгеләп үтә табиб.

Турыдан-туры йогынтысыннан тыш стресс яшәү рәвешенә дә йогынты ясый: кеше аз хәрәкәтләнә башлый, кирәкмәгән ризыкларга һәм тәмәкегә хирыслык арта. Болар исә барысы да гипертония үсү куркынычын тудыра.

Кардиологның практикада кулланылучы киңәшләре: стресска бирешүчәнлекне ничек азайтырга?

Кан басымын кисәтү һәм контрольдә тоту өчен үзеңнең психик-эмоциональ халәтең белән идарә итә белергә кирәк. Сергей Питуганов түбәндәге методларны тәкъдим итә:

Сулыш гимнастикасы. Куркыныч хәлләрдә тизрәк тынычлану өчен тирән сулыш алу техникасын үзләштерегез.

Даими саф һавада йөрегез. Көн саен саф һавада йөрү – стрессны кисәтүнең менә дигән ысулы.

Булдыра алганча физик активлык. Спорт белән шөгыльләнү (йөрү, йөзү,   йога). Болар барысы да стрессның гормон дәрәҗәсен киметергә ярдәм итә. Тулы кыйммәтле йокы. Нерв системасы җайланганчы 7-8 сәгать йокларга тырышыгыз.

«Әлеге гадәтләрне көндәлек тормышка кертү сезгә йөрәккә көчәнешне киметергә, кан басымын җайларга, үзеңне яхшы хис итәргә ярдәм итә. Бу гипертония катлауланмасын өчен иң яхшы кисәтү чарасы», – дип аңлатты Сергей Валерьевич.