Чистайның 2нче гимназия укучысы XIII Халыкара олимпиада да җиңүче булды

Бу көннәрдә Казанда татар теле буенча XIII Халыкара олимпиада лауреатлары һәм җиңүчеләре игълан ителде. Анда Россиянең 30 төбәгеннән, 5 чит илдән 500 бала катнашты.

Әлеге чарада шәһәребез данын 2нче номерлы гимназиянең 9 сыйныф укучысы Виталина Антонова яклады. Ул татар теле буенча XIII Халыкара олимпиада да җиңүче булды.

Виталинаны һәм аның укытучысы Сәкинә Гильманованы чын күңелдән зур уңышлары белән котлыйбыз. Алар гимназиянең генә түгел, ә шәһәребез горурлыгы!