«Ступени» әдәби берләшмәсенә 29 ел тулды

Бәйрәм программасын шигырьләр, музыка һәм эчкерсез хисләр тулыландырды. Анда Мира Максимова, Валентина Солдатова, Евгений Бармин, Владимир Герасимов, Мария Цыганова, Татьяна Матвеева актив катнаштылар.

Котлаулар белән мәдәният бүлеге җитәкчесе Наталья Япаева һәм китапханә директоры Ирина Герасимова чыгыш ясадылар. Наталья Япаева берләшмә рәисе Елена Быковага район мәдәниятенә керткән өлеше, фидакарьлеге һәм профессиональлеге өчен Рәхмәт хаты тапшырды.

Елена Валерьевна кунаклар өчен Чистай авторларының туган як турында шигырьләренә нигезләнгән шигъри викторина, әдәби уеннар һәм сюрпризлар әзерләде.

7нче номерлы китапханә филиалы укучысы Константин Наумовны да билгеләп үттеләр. Яңа шигыре һәм иҗади инициативасы өчен аны бертавыштан «Ступени» берләшмәсенә кабул иттеләр.

Катнашучылар яңа иҗади эшләрен укыдылар. Евгений Бармин барысын да музыка белән сөендерде – аның җырлары язмада яңгырады, ә «Ступени» дигән символик исемдәге яңа иҗат җимеше залны аеруча дулкынландырды.

Бәйрәм фикердәшләрнең күңелле чәй эчүе белән тәмамланды. Ә очрашу истәлеге итеп һәркем китап алды.

Материал шәһәр китапханәсенең 7нче филиалы мөдире Елена Быкова белән берлектә әзерләнде.

Үзәк китапханә фотолары