Чистай китапханәсендә татар орнаментына багышланган иҗат сәгате узды

3 нче номерлы шәһәр китапханә-филиалында  Россия халыклары бердәмлеге  елына  багышланган  «Татар орнаменты – милли культураның бер өлеше кебек» дип исемләнгән иҗат сәгате булып узды. Чарада катнашучылар  татар декоратив-гамәли сәнгатенең бай мирасы  белән таныштылар  һәм үзләрен оста ролендә  сынап карадылар.

Очрашу барышында  китапханә хезмәткәрләре  яшь китап укучыларга  гасырлар буена торак йортларны бизәгән татар орнаментлары үрнәкләрен, баш киемнәрен, ювелир әйберләрне, күннән тегелгән аяк киемнәрен һәм көнкүреш әйберләрен тәкъдим иттеләр. Укучылар  традицион бизәкләрнең халыкның дөньяга карашын һәм зәвыгын  чагылдыруын  күрә алдылар.

Кунаклар игътибарына борынгы әйберләрнең төп нөсхәләрен: чигелгән калфаклар һәм түбәтәйләр, камзуллар, шәлләр, бизәлгән чүәк (хатын- кызларның  түшләрен бизәү әйберләре) һәм кулдан чигелгән  яулыклар  тәкъдим иттеләр. Һәр экспонатның тарихы  һәм традицион культурада  әһәмияте  турында сөйләнде.

Иҗат сәгате  практик өлеш белән төгәлләнде. Балалар агачтан ясалган әйберләрне   традицион  татар бизәкләре белән бизәкләделәр. Бар күңелләрне биреп, һәр детальгә игътибар белән башкарылган  эшләр бик матур һәм үзенчәлекле килеп чыкты – һәркем яңа белемнәр генә түгел, ә үзе ясаган сувенир да алып китте.