12 февральдә Муса Җәлил язмышын яктырткан «Кара урман» фильмы прокатка чыга
12 февральдә каһарман шагыйрь Муса Җәлил һәм җәлилчеләргә багышланган «Кара урман» нәфис фильмы прокатка чыга. Тиздән аны кинотеатрларда карап булачак. Фильмның режиссеры – Радик Кудояров
Сюжет үзәгендә – татар шагыйре Муса Җәлил. Ул үзенең шигырьләрен каршылык коралына әверелдерә, ирек рухын сындыру мөмкин түгеллеген күрсәтә. Режиссер Радик Кудояров шагыйрь һәм СССР Герое тарихын мөмкин кадәр дөресрәк итеп тапшырырга омтылган.
Фильмда татар музыкасы актив кулланыла. Финал кадрларында, гильотина геройларның гомерләрен өзгәндә, корбанлык символы булган «Умырзая» татар җыры яңгырый. Шулай ук Белоруссия композиторы Владимир Сивицкий тарафыннан җайлаштырылган Коръәннән «Ясин» сурәсе дә кулланыла. Фильмның лейтмотивы булып борынгы татар җыры «Кара урман» тора.
Фильм 2024 елда Татарстан Рәисе Рөстәм Миңнеханов ярдәме белән төшерелгән. Муса Җәлил ролен Тинчурин театры актеры Зөлфәт Закиров башкарды.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев