Виртуаль җинаятьчелек очраклары арта: үзеңне ничек сакларга

Мәгълүмати-телекоммуникация технологияләре өлкәсендәге җинаятьләр дигәндә Россия Федерациясе Җинаятьләр кодексы тарафыннан тыелган, виртуаль дөньяда мәгълүмати технологияләр һәм мәгълүмати-телекоммуникация челтәрләрен кулланып турыдан-туры кылынган иҗтимагый куркыныч гамәлләр аңлашыла.
Мондый җинаятьләр төрледән-төрле. Барыннан да элек аларга Интернет, мобиль элемтә чаралары ярдәмендә дә кылына торган мошенниклык керә. Нигездә, бу гражданнарның банк счетларыннан акча урлау. Шулай ук мондый җинаятьләргә, мәсәлән, закон белән саклана торган компьютер мәгълүматына хокуксыз керү («Дәүләт хезмәтләре порталын» ватып керү), зарарлы программаларны ясау, куллану һәм тарату керә.
Җинаятьчеләр үзләренең җинаятьчел максатларына ирешмәсен өчен, гражданнарга бернинди шартларда да банк картасы мәгълүматларын, SMS-кодларны хәбәр итәргә ярамый. Таныш булмаган номерлардан шалтыратуларга җавап бирергә һәм бигрәк тә телефоннан һәм мессенджерларда финанс темаларына аралашырга кирәк түгел. Җинаятьчеләр туганнарыгыз, банкның куркынычсызлык хезмәте хезмәткәрләре, хокук саклау органнары, шулай ук энергия белән тәэмин итүче оешмалар хезмәткәрләре булып шалтыратырга, ышандырырга һәм янарга мөмкиннәр. Шулай ук товарлар өчен Интернетта тикшерелмәгән сервисларда түләүне дә башкармаска киңәш итәбез.
Һәр шикле очракта билгесез затлар белән элемтәне өзү һәм мөстәкыйль рәвештә банкка шалтырату яки хокук саклау органнарына мөрәҗәгать итү яхшырак. Шәхси акчаларның иминлеген тәэмин итү җинаятьләр кылуга каршы торырга мөмкинлек бирәчәк.