Узып баручы елның төп вакыйгалары

«Гаилә тарихында гасырлар кайтавазы» республика фестиваленең муниципаль этабы узды. Анда җиңү өчен Хисмәтуллиннар, Кисловлар, Ершов-Харитоновлар һәм Нәбиуллиннар гаиләләре көрәште. Хисмәтуллиннар гаиләсе җиңү яулады. Фестивальдә катнашучыларның барысы да дипломнар һәм бүләкләр алдылар.

Мәдәни-ял итү үзәгендә Рус җыры театры юбилеена багышланган концерт узды. Аңа 15 яшь тулды. Иҗади коллективның горурланырлык казанышлары шактый, ул республика, бөтенроссия һәм халыкара фестивальләр һәм конкурслар лауреаты булып тора, Франциядә «Русская весна в Париже» халыкара фестивалендә катнаша һәм лауреат исемен ала.

Чистай яңа билгеләнгән Чистай һәм Түбән Кама епискобы Пахомийны каршы алды.

Мобилизацияләнгән чистайлылар өйләренә кыска вакытлы ялда кайта башладылар.