Узып баручы елның төп вакыйгалары

Гыйнварда күркәм гадәт буенча Чистай уку йортларының иң яхшы студентларын уку эшчәнлегендә зур казанышлары һәм иҗтимагый тормышта актив катнашулары өчен хөрмәтләделәр.

«Ел студенты» конкурсының Гран-приена КАИ-КНИТУның «Восток» филиалы студенты Юлия Еремеева лаек булды.

Махсус хәрби операция бара торган зонага якташларыбыз өчен 20 тоннадан артык кирәкле әйбер һәм техника җибәрелде. Бу йөкне илтеп җиткерү өчен юлга чыкканнар арасында район башлыгы Дмитрий Иванов та бар иде. Ел дәвамында чистайлылардан махсус хәрби операция бара торган зонага гуманитар ярдәм җибәрелеп торды.