Узган елның төп вакыйгаларына күзәтү

Ноябрь

Махсус хәрби операция ветераны Денис Яшманов «Абилимпикс» һөнәри осталык буенча милли чемпионатның көмеш призеры булды. Ул Татарстанны «Пешекче эше» компетенция­сендә тәкъдим итте.

«Чистай – фронтка» волонтерлык хәрәкәтенә 3 ел тулды. Бүген бу 20 меңгә якын кеше, алар уртак максат – безнең сугышчыларга ярдәм итү хакына берләштеләр. Аларның эшләре сокландыра: 580 тоннадан артык гуманитар йөк алгы сызыкка озатылган.

Чистайның «Восток» сәгать заводы хезмәт батырлыгы предприятиесе дип танылды. Ул 1941-1945 еллардагы Бөек Ватан сугышында җиңүгә зур өлеш керткәне өчен бүләкләнде.
 

Декабрь

Чистай автотранспорт предприятиесе җәмәгать транспорты паркын яңартты. Берьюлы 6 яңа ПАЗ-32054 автобусы якын арада шәһәр маршрутларында эшли башлаячак.

Шәһәр инфраструктурасын модернизация­ләүнең төп этабы төгәлләнде. 240 метр озынлыктагы яңа, мөстәкыйль суүткәргеч линиясе салынды, ул инде файдалануга тапшырылган һәм штат режимында эшли.

Чистайда III Никольский белем бирү укулары узды. Алар кысаларында дискуссияләр, тематик секцияләр, иҗади очрашулар, белем бирү лекцияләре, күргәзмәләр һәм мастер-класслар үтте.