Узган елның төп вакыйгаларына күзәтү
Безнең белән бергә шәһәр һәм районыбыз тормышында булган мөһим вакыйгаларны искә төшерергә тәкъдим итәбез
Июль
Энгельс урамында суүткәргечне алыштыру эшләре бара. Аларның нәтиҗәләре буенча өч километрдан артык торба яңартылачак.
Скарятин бакчасында гаилә тормышы юбилярларын котладылар. Шәһәр халкы Гаилә, мәхәббәт һәм тугрылык көнен билгеләп үтү өчен җыелды.
Безнең шәһәрдә икенче тапкыр «Чистай очрашулары» төбәкара автор җыры фестивале узды. Анда илнең төрле почмакларыннан 30дан артык музыкант һәм шагыйрь катнашты.
Август
Чираттагы гуманитар миссия кысаларында «Чистай – фронтка» хәрәкәте вәкилләре (җитәкчесе Чулпан Сөләйманова) махсус хәрби операция зонасындагы берничә торак пунктта, шул исәптән Северодонецк шәһәрендә булдылар. Бу шәһәрдә «Крылья Северодонецка» хәрәкәте волонтерлары белән сөйләшүләр нәтиҗәсендә кайбер уртак проектлар турында килешүгә ирешелде.
Безнең шәһәрдә өченче тапкыр «Рок-берега» фестивале узды. Ул меңләгән тамашачыны җыйды. Шәһәрнең үзәк мәйданында 10 рок-төркем чыгыш ясады.
Республикада фри бәрәңгесе җитештерү буенча беренче завод ачылды. Ул елына 40 мең тоннага якын бәрәңге эшкәртүгә исәпләнгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев