Үз хокукларын яклаган

Сатып алынган кәнәфине алыштырырга теләгән, ләкин сатучы моны эшләүдән баш тарткан. Чис­тайда яшәүче кулланучылар хокукларын бозуга дучар булган. Бәхәсле хәлгә ачыклык кертү үтенече белән ул Татарстан Респуб­ликасы Дәүләт алкоголь инспекциясенең Чистай территориаль органына мөрәҗәгать иткән.

— Кулланучы йокы бүлмәсе өчен билгеле бер төстәге кәнәфи сатып алырга булган. Кәнәфине китергәннән соң, аның үзенә билгеләнгән урынга сыймавы ачыкланган, — дип аңлата ТР Дәүләт алкоголь инспекциясенең Чистай территориаль органының эчке базарны үстерү һәм координацияләү бүлеге башлыгы Светлана Саломеева. Кулланучы сатучы белән товарны башка, кечерәк габаритлы товарга алыштыру турында сөйләшергә тырышкан, ләкин сатучы катгый рәвештә баш тарткан.

Сатучы үзенең баш тартуын җиһазның башка зурлыктагы, формадагы, габариттагы, фасондагы, төстәге яки комплект­тагы шундый ук товарга кире кайтарылырга яки алыштырылырга тиеш булмаган тиешле сыйфаттагы азык-төлек булмаган товарлар исемлегенә керүе белән аңлата.

Дәүләт алкоголь инспекция­сендә ир-атка сатучы адресына дәгъва белдерергә ярдәм итәләр, анда тиешле сыйфаттагы товарны кире кайтару тәртибен һәм сатучы үзенең баш тартуын дәлилләгән исемлеккә җиһаз гарнитуралары һәм комплектлары гына керүен, шуңа күрә йомшак җиһаз әйберләренә бу кагыйдә кагылмавын аңлаталар.

— Кулланучының тиешле сыйфаттагы кәнәфине алыштырырга бөтен хокукы бар, әгәр җиһаз товар рәвешен, фабрика ярлыкларын саклап калган һәм аны алыштыру вакыты чыкмаган булса, ул аны сатып алу көнен исәпкә алмаганда, ундүрт көн тәшкил итә, — дип билгеләп үтә белгеч.

Нәтиҗәдә, кулланучы законлы нигездә кәнәфине кечерәк габаритлыдагысына алыштыруга ирешә ала. Һәркем канәгать: сатып алучы — товар белән, сатучы акча белән кала.