ТР Дәүләт Советы Рәисе вазифаларын башкаручы Марат Әхмәтовның Чистайга эш сәфәре барышында медицинада кадрлар белән тәэмин итү мәсьәләләре турында фикер алыштылар
Чистай үзәк район дәваханәсе баш табибы бүлекчәләрнең эше һәм кадрлар сәясәте турында сөйләде
ТР Дәүләт Советы Рәисе вазифаларын башкаручы Марат Әхмәтовның Чистайга эш сәфәре барышында районның сәламәтлек саклау системасында кадрлар белән тәэмин итү мәсьәләләре хакында фикер алыштылар.
Башта Марат Готыф улы район башлыгы Дмитрий Иванов белән шәһәрнең мәгариф учреждениеләрендә булды. Аннары ул Чистай үзәк район дәваханәсе баш табибы Илдар Хәнифов белән аралашты, ул район үзәк дәваханәсе бүлекчәләренең эшчәнлеге һәм район сәламәтлек саклау системасында алып барыла торган кадрлар сәясәте турында сөйләде.
Илдар Фәрит улы яшь белгечләргә ярдәм итү чараларына аерым игътибар бирде һәм «Дәвалау-профилактика учреждениеләре хезмәткәрләре өчен торак» проекты концепциясен тәкъдим итте. Бу инициативаны гамәлгә ашыру гамәлдәге кадрларны беркетергә һәм Татарстан Республикасы сәламәтлек саклау системасына яңа белгечләр җәлеп итәргә мөмкинлек бирәчәк.
Марат Әхмәтов сәламәтлек саклау системасын үстерүдә һәм тармакның кадрлар потенциалын ныгытуда яшь белгечләргә ярдәм итүнең мөһимлеген ассызыклады.
Г. Гомәрова һәм Чистай үзәк район дәваханәсе матбугат хезмәте фотолары
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев