Татарстанда ТКХ өчен электрон түләүләр өлеше 81 проценттан артып киткән
Коммуналь хезмәтләр өчен цифрлы сервислар аша түләү дәрәҗәсе республикада 81,7%ка җиткән. Бу хакта Хөкүмәт йортында узган киңәшмәдә ТР Төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин хәбәр итте
Аның сүзләренә караганда, ел башында түләү дисциплинасы гадәттәгечә икенче яртыеллыкка караганда түбәнрәк. 2026 елның февралендә җыем 95,1% тәшкил иткән, бу узган ел күрсәткеченнән 0,9%ка калыша. Ике айда республика буенча уртача дәрәҗә - 95%, ә уртача еллык дәрәҗә 99,1%ка җитә.
1 мартка газ өчен вакыты чыккан бурыч 6 млн сумга кимегән һәм 244 миллион тәшкил итә. Электр энергиясе өчен бурычлар 1,5 миллионга кимегән, 28 млн сумга якын тәшкил итә. Шул ук вакытта идарәче компанияләрнең «Татэнерго» алдында җылылык өчен бурычы 61,3 миллионга арткан һәм 282,7 млн тәшкил итә.
Чыганак: Казанские ведомости
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев