Татарстанда шәхси ярдәмче хуҗалыкларга ярдәм йөзеннән 688 млн сум акча юнәлдерелгән

Бүгенге көндә Татарстанда 2 656 фермер хуҗалыгы һәм 398 меңгә якын шәхси ярдәмче хуҗалык эшли. Бу хакта ТР Хөкүмәте йортында узган республика киңәшмәсендә ТР авыл хуҗалыгы һәм азык-төлек министры урынбасары Нияз Хурамшин хәбәр итте.

Аның сүзләренә караганда, республика терлекләренең өчтән бере кече хуҗалыкларда тупланган. Моннан тыш, бәрәңге һәм яшелчә җитештерүнең 75 проценттан артыгы фермер һәм шәхси ярдәмче хуҗалыкларга туры килә.

Бу юнәлешне үстерүгә дәүләт ярдәм итә. 2026 елда турыдан-туры ярдәм күләмен 300 млн сумга, ягъни 1,8 млрд сумга кадәр арттырдылар. Бу сумманың 688 млн сумы шәхси ярдәмче хуҗалыкларга, нигездә, сыерлар асрауга юнәлдерелгән.

Мини-фермалар төзү ихтыяҗ зур булган юнәлешләрнең берсе булып кала. 2025-2026 елларда Татарстанда дәүләт ярдәме белән шундый 108 объект төзелгән. Иң күп кече фермалар Арча, Алексеевск, Чүпрәле һәм Чирмешән муниципаль районнарында барлыкка килгән.

2026 елдан республикада яңа ярдәм чарасы — үгезләр сатып алуга субсидияләр гамәлдә. Түләү күләме бер баш терлеккә 35 мең сум тәшкил итә, әмма бер шәхси ярдәмче хуҗалык өчен 15 терлеккә генә.

Беренче сайлап алу нәтиҗәләре буенча 587 гариза бирүче ярдәм алган. Бу максатларга 34 млн сум юнәлдерелгән, бу 1872 үгез алырга мөмкинлек биргән. Сайлап алуның икенче этабын июнь ахырында игълан итәргә планлаштыралар.

Чыганак: Татарстан 24