Татарстанда Кытайга экспортлана торган майлы җитен партиясен тикшерделәр

Агросәнәгать комплексы продукциясенең куркынычсызлыгын һәм сыйфатын бәяләү Федераль үзәгенең Татарстандагы филиалы белгечләре Кытайга экспортлау өчен билгеләнгән 10 мең тонна майлы җитенне тикшерделәр.

Сынау нәтиҗәләре продукциянең контракт шартларына, импортер илләр һәм халыкара карантин фитосанитария таләпләренә туры килүен раслады.

Агымдагы елда Кытай Татарстаннан майлы җитен сатып алучылар арасында беренче урынны алды, аңа барлык экспортның 70 проценттан артыгы туры килә. Ташулар күләме 9,6 мең тоннага җитте, бу 2025 ел күрсәткеченнән 15 процентка күбрәк.

Чыганак: «Татар-информ»