Татарстанда контракт төзүчеләр өчен бер тапкыр бирелә торган түләүләрне арттырдылар

Бер мәртәбә бирелә торган финанс ярдәмнең яңа кагыйдәләре 2026 елның 1 гыйнварыннан гамәлгә керде.

Әлеге түләү ике өлештән тора: 2,5 млн сум Татарстан бюджетыннан бирелә, ә 400 мең сумны министрлык бирә.

Югары түләүләргә махсус хәрби операция сугышчылары гына түгел, ә яңа пилотсыз системалар гаскәрләренә хезмәт итүгә контракт төзегән гражданнар да, шулай ук Африка корпусының яңа хәрбиләре дә дәгъва итә ала. Контрактчыларның барлык категорияләре өчен полигоннарда әзерлек каралган.

Пилотсыз системалар гаскәрләре һәм Африка корпусы сугышчылары ике айдан да ким булмаган өйрәнүләр уза. Бу подразделениеләргә сайлау катгыйрак: Африка корпусында дәгъвачыларның нык сәламәтлегенә һәм хәрби тәҗрибәсенә басым ясыйлар. Пилотсыз системалар гаскәрләрендә өстенлекне техник белемгә һәм алга киткән геймер күнекмәләренә бирәләр.

Татарстанда контракт төзү процедурасы бер-ике көннән артык вакытны алмый. Потенциаль сугышчыларга юл йөрү, яшәү, туклану өчен түлиләр. Аларның хәрби белгечлекне сайлау мөмкинлеге бар. Контрактны имзалаганнан соң алар шунда ук бер тапкыр бирелә торган түләү, кирәкле кием-салым алалар һәм хәрби өйрәнүләргә чыгалар. Финанс ярдәмнән тыш, контракт төзүчеләргә республика һәм федераль ташламалар, ярдәм һәм тернәкләндерү чаралары гарантияләнә.

Республика үз сугышчыларын азык-төлек продуктларыннан алып транспортка кадәр гуманитар ярдәм белән тәэмин итә. Сугышчыларның гаиләләре хакимият канаты астына алына һәм дәүләт тарафыннан тиешле барлык ташламаларны ала.

Татарстанда контрактны ничек имзалау һәм контракт хезмәте узуга гариза бирү турында тулырак мәгълүматны https://heroes-tatarstan.ru сайтында, 8 800 222 59 00 һәм 117 телефоннары буенча белергә яки хәрби комиссариатка яисә сайлап алу пунктына килергә мөмкин.

Чыганак: ТР ДОСААФ