Татарстанда юридик затларның банкротлыгы саны 40 процентка диярлек кимегән

2024 ел белән чагыштырганда, күрсәткеч 38,6%ка, 934 мөрәҗәгатьтән 573кә кадәр кимегән. Бу хакта узган елда суд эше нәтиҗәләре буенча киңәшмәдә хәбәр иттеләр.

Шул ук вакытта физик затларны банкротлар дип тану турындагы гаризалар саны арткан. 2025 елда алар 16 346 – үткән ел белән чагыштырганда 29,2%ка күбрәк кергән. Шул ук чорда суд 12 553 эшне караган, бу 2024 ел күрсәткеченнән 45,4 процентка артыграк.

Бәхәсләрнең башка категорияләре буенча да кимү күзәтелә. Энергия белән тәэмин итү килешүләре белән бәйле эшләр саны 36,6 %ка кимегән. Интеллектуаль хокукларны яклау өлкәсендә шулай ук 34,9%ка кимү теркәлгән.

Таможня бәхәсләре арасында иң зур кимү күзәтелә – аларның саны 52,1%ка кимегән. Салым тикшерүләре категориясендә кимү азрак чагылган һәм 12,7% тәшкил иткән.

Чыганак: «Вести Татарстан»