Татарстанда инвалид бала тәрбияләүче гаиләләр өчен нинди ташламалар гамәлдә

Инвалид балаларның ата-аналарына, опекуннарына һәм попечительләренә түбәндәге төр ярдәм күрсәтелә ала:

*18 яшькә кадәрге һәр инвалид бала өчен салымнан тотып калу. Бала I яки II төркем инвалид булган һәм югары уку йорты яки урта махсус уку йортында көндезге бүлектә белем алган очракта, тотып калу 24 яшькә кадәр саклана. Тотып калу күләме ата-аналар һәм уллыкка алучылар өчен 12 мең сум, опекуннар һәм попечительләр өчен 6 мең сум тәшкил итә;

*балалар бакчаларында, яслеләрдә, шулай ук сәламәтләндерү учреждениеләрендә өстенлекле тәртиптә урын бирү;

ата-аналарның берсе, опекуннар яки попечительләр өчен ай саен өстәмә дүрт ял көне бирү;

*18 яшькә кадәрге инвалид баланың әти-әнисенең берсе, опекуны яки попечителенә кирәк булган очракта тулы булмаган эш көне эшләргә мөмкинлек бирү;

*18 яшькә кадәрге инвалид баланың әти-әнисенең берсе, опекуны яки попечителенә ел саен уңайлы вакытта түләүле отпускка чыгу мөмкинлеге бирү;

*инвалид баласы булган хезмәткәрне үзенең ризалыгы булган очракта гына командировкаларга җибәрү, өстәмә эшкә, төнге вакыттагы эшкә, шулай ук ял һәм бәйрәм көннәрендә эшкә җәлеп итү;

*даруханәләрдә, кибетләрдә, поликлиникаларда, почтада һәм башка учреждениеләрдә чиратсыз хезмәт күрсәтү.

Чыганак: «Татар-информ»