Татарстанда «Ел инновациясе» конкурсы старт алды

Республикада «Ел инновациясе» конкурсы старт алды: финанс ярдәменә мәктәп стартаплары да, предприятиеләр командалары да дәгъва итә ала.

Идеяләр төрле-  мәктәп эшләнмәләреннән алып эре компанияләрнең технологик проектларына кадәр.

Конкурс биш юнәлешне үз эченә ала. Жюри проектларны төрле критерийлар буенча бәяләячәк: яңа химия технологияләре, нефть химиясе, машина төзелеше, мәгълүмати технологияләр, биотехнологияләр, медицина һәм кеше сәламәтлеге.

Узган ел конкурска 228 гариза кергән. Һәм проектка кызыксыну арта бара - анда университетлар, мәктәпләр, тикшеренү коллективлары һәм технологик компанияләр катнаша.

Конкурста җиңүчеләр биш йөз мең сумга кадәр финанс ярдәме алачак. Моннан тыш, новаторларга проектларының югары дәрәҗәсен һәм компаниянең инновацион үсеш өлкәсендәге системалы эшен раслый торган дипломнар тапшырылачак.

Чыганак: «Вести Татарстан»