Татарстанда Дәүләт хезмәтләре порталы аша 1нче сыйныфка 35,3 мең гариза тапшырылган

Татарстан Дәүләт хезмәтләре аша балаларны 1нче сыйныфка яздыруга гаризалар саны буенча Россиянең топ-3 төбәгенә керде. Бу хакта Россия цифрлар министрлыгында хәбәр иттеләр.

Беренче этап нәтиҗәләре буенча республикада ата-аналар портал аша 35,3 мең гариза тапшырган.

Барлык мәктәпләр дә гаризалар кабул итүне 1 апрельдән дә соңга калмыйча ачарга тиеш иделәр. Күп кенә ата-аналар кампания башланганнан соң ук документлар җибәрү өчен порталда караламалар ясаганнар.

Яздыруның икенче дулкыны 6 июльдә башлана. Бу чорда балаларны буш урыннары калган барлык мәктәпләргә дә кабул итәчәкләр.

Чыганак: Татарстан 24