Татарстанда бүген яшенле яңгыр һәм боз явуы ихтимал
Бүген, 16 июльдә, Татарстан территориясендә һава шартларының начараюы көтелә
Россия гадәттән тыш хәлләр министрлыгының рәсми кушымтасы мәгълүматларына караганда, бүген, 16 июльдә, Татарстан территориясендә һава шартларының начараюы көтелә. Коткаручылар республика халкын һәм кунакларын саклык чараларын үтәргә өнди.
Фаразлау буенча, төбәктә көчле яңгырлар явачак, урыны белән боз явуы ихтимал. Яшен вакытында җил секундына 18 метрга кадәр көчәячәк.
Һава торышы начар булу сәбәпле, гадәттән тыш хәлләр министрлыгы гражданнарга куркынычсызлык кагыйдәләрен үтәргә киңәш итә. Җил һәм яшен вакытында реклама конструкцияләре, юл билгеләре, агачлар һәм электр тапшыру линияләре янында ышыкланырга ярамый. Коткаручылар өлкән яшьтәге кешеләргә, балаларга һәм хроник авырулары булганнарга аерым игътибар бирергә сорыйлар: аларга ярдәм кирәк булырга мөмкин.
Гадәттән тыш хәлләр килеп чыккан очракта кичекмәстән ашыгыч хезмәтләрнең бердәм номеры – 112 шалтыратырга кирәк.
Чыганак: Чистай-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев