Татарстанда бер тәүлектә газ җиһазлары белән бәйле биш очрак теркәлгән
Соңгы тәүлектә Татарстанда газ җиһазлары белән бәйле биш очрак теркәлгән. Республиканың дүрт шәһәрендә – Нурлат, Казан, Бөгелмә һәм Чистайда гадәттән тыш хәлләр килеп чыккан
Нурлатта фатирларның берсендә газ плитәсенең төзек булмавы аркасында газ бирүне сүндерергә туры килгән.
Казанда газ сүндерү белән бәйле ике вакыйга теркәлгән. Йортларның берсендә, су җылыткычны мөстәкыйль урнаштыру омтылышы ясалганнан соң, халык газсыз һәм кайнар сусыз калган. Икенче очракта ресурсларны бирү түбә һәм төтен чыгару юлларын капиталь ремонтлау аркасында туктатылган.
Техник хезмәт күрсәтү берничә ай элек кенә үткәрелүгә карамастан, Бөгелмәдә йортларның берсендә газ саркып югалган. 50 фатир газ белән тәэмин ителмичә калган.
Чистайда шарт иткән тавыш ишетелгәннән соң фатир яна башлаган. Беренчел мәгълүматлар буенча, электр җиһазларын монтажлау кагыйдәләрен бозу моңа сәбәп булган.
Барлык очраклар буенча тикшерүне Татарстанның торак инспекциясе үткәрә.
Чыганак: Вести Татарстан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев