Татарстанда бер тәүлектә 23 янгын һәм сигез юл-транспорт вакыйгасы килеп чыккан

Узган тәүлектә Татарстан Дәүләт янгын сүндерү-коткару хезмәте бүлекчәләре 23 янгынга барган, шуларның сигезе торак секторда килеп чыккан. Бу хакта Россия гадәттән тыш хәлләр министрлыгының ТР буенча Баш идарәсендә хәбәр иттеләр.

Моннан тыш, коткаручылар 44 тапкыр ялган чакыруларга барганнар һәм сигез тапкыр юл-транспорт вакыйгасы нәтиҗәләрен бетерүгә җәлеп ителгәннәр.

Су объектларында гадәттән тыш хәлләр теркәлмәгән.

Гадәттән тыш хәлләр министрлыгында республика халкына янгын куркынычсызлыгы кагыйдәләрен үтәү, балаларны һәм электр приборларын караучысыз калдырмау кирәклеге турында искәрттеләр.

Чыганак: «Вести Татарстан»