Татарстанда җәйге каникулларда балалар хокукларын яклау буенча кайнар линия эшли

Татарстан Республикасында Бала хокуклары буенча вәкаләтле вәкил җәйге савыктыру кампаниясе башлануга багышланган «Вәкаләтле вәкил белән җәй» яңа проектының старт алуы турында игълан итте. Инициатива республикада балачакны якты һәм бай эчтәлекле итеп кенә түгел, ә мөмкин кадәр имин итүгә юнәлдерелгән.

Хәбәргә караганда, проектның төп элементы һәр җәй аеның беренче атнасында (1-5 июнь, 1-7 июль, 3-7 август) МАКС мессенджерында махсус кайнар линия һәм элемтә каналы эшләячәк. Республика халкы балаларны яклау мәсьәләләре, шулай ук җәйге ялны оештырудагы проблемалар турында тиз арада 8 (843) 236-61-64 телефоны аша яисә 8-987-405-96-13 номеры буенча МАКС мессенджерында хәбәр итә алачак.

«Безнең республика җәйнең һәр бала өчен яңа мөмкинлекләр вакыты булсын өчен кулдан килгәннең барысын да эшли», – дип ассызыклады Татарстан Республикасында Бала хокуклары буенча вәкаләтле вәкил Светлана Захарова.

Чыганак: «Татар-информ»