Татарстанда 3,6 меңнән артык махсус хәрби операция ветераны яши

Татарстанда 3,6 меңнән артык махсус хәрби операция ветераны яши, бу хакта брифингта ТР Премьер-министры урынбасары Ләйлә Фазлыева сөйләде.

Республикада барлыгы 3689 махсус хәрби операция ветераны яши, шуларның 1,6 меңе – инвалид, 715 кеше социаль тернәкләндерү, 419 кеше медицина ярдәме ала.

- Ярдәм итү максатында медицина-психология консультациясе кабинетлары эшли. Республика клиник психиатрия дәваханәсе структурасында тәүлек әйләнәсе ышаныч телефоны белән медицина психология хезмәте эшли,  диде Ләйлә Фазлыева.

Моннан тыш, 2025 елда Татарстан Россиядә теш протезлары ясау буенча хезмәтләр күрсәтә башлаган беренче төбәк булды. Быел әлеге юнәлеш буенча бу хезмәтләрне күрсәтүнең төп нигезләмәләрен билгели торган федераль документ барлыкка килде.

Чыганак: «Вечерняя Казань»