Татарстанда 2027 елда яңартылачак иҗтимагый киңлекләр өчен тавыш бирү лидерларын атадылар

Татарстанда 2027 елда яңартылачак төзекләндерү объектлары өчен бөтенроссия онлайн-тавыш бирүгә йомгак ясалды. Тавыш бирү 21 апрельдән 12 июньгә кадәр «Яшәү өчен инфраструктура» милли проектының «Уңайлы шәһәр мохитен формалаштыру» Федераль программасы кысаларында узды, дип хәбәр итә ТР Төзелеш министрлыгы.

Республика халкына барлык муниципалитетларда 178 җәмәгать киңлеге, шулай ук «Дәүләт хезмәтләре» порталында сораштыру нәтиҗәләре буенча сайлап алынган 20 объект тәкъдим ителде.

Тавыш бирүдә 425,9 мең кеше катнашкан, иң активлары – Казан, Яр Чаллы һәм Түбән Камада яшәүчеләр. Йомгаклар буенча 45 районның һәркайсында төзекләндереләчәк территорияләр билгеләнде. Яр буйларына һәм суга чыгу проектларына, шулай ук тарихи-мәдәни әһәмияткә ия объектларга аеруча зур ярдәм күрсәтелгән.

Чыганак: «Реальное время»