Татарстанда 2026 елның беренче кварталында 20 ялган купюра тапканнар

Татарстанның банк секторында 2026 елның беренче кварталында 20 ялган Россия банкнотасын ачыклаганнар. Россия Банкының җирле бүлеге мәгълүматларына караганда, ялган акча ясаучылар арасында иң популяр булып биш меңлек купюралар кала: аларны 13 данә тапканнар. Шулай ук 4 – 1000 сумлык, 500, 100 һәм 50 сум номиналлы берәр банкнота табылган.

Сумнардан тыш, әйләнешкә өч ялган чит ил купюрасы эләккән: икесе – 100 доллар һәм берсе 50 АКШ доллары.

Кассирларга һәм сатучыларга ялганны яхшырак танырга ярдәм итү өчен, Россия Банкы бушлай онлайн-укыту программасын эшләтеп җибәрде. Йомгаклау тестын тапшырганнан соң катнашучылар исемле сертификат һәм махсус аерымлык билгесе алалар. Ә гади гражданнар кулдагы акчаларның дөреслеген мөстәкыйль рәвештә – «Россия Банкы банкноталары» мобиль кушымта аша яки сайтта «Кулдагы акча әйләнеше» бүлегендә тикшерә алалар.

Чыганак: «Вечерняя Казань»