Татарстанда 2026 елда 706 йортны яңартуга 9 млрд сум тотарга планлаштыралар

2026 елда Татарстанда гомуми мәйданы 3,8 млн кв.метр булган 706 күп фатирлы торак йортка капиталь ремонт ясау планлаштырыла, моңа 9,06 млрд сумнан артык акча тотыла.

Республика Министрлар Кабинетының тиешле карарын ТР Премьер-министры Алексей Песошин имзалады. Элегрәк документ ришвәтчелеккә каршы экспертиза узган иде.

Капиталь ремонт программасын гамәлгә ашыру буенча кыска сроклы планны тормышка ашыру нәтиҗәсендә Татарстанда яшәүче 144,8 мең кешенең яшәү шартлары яхшырырга тиеш.
2027 елда гомуми мәйданы 3,7 млн кв.метр булган, 134,1 мең кеше яшәгән 690 күп фатирлы йортны яңарту күздә тотыла. Шуның белән бергә проект документациясен әлёгә 2027 елда капиталь ремонтка 644 йорт кына эшләү планлаштырыла. Гомуми чыгымнар 8,11 млрд сумнан артык бәяләнә.

2028 елга гомуми мәйданы 4,0 млн кв.метр булган, якынча 138 мең кеше яшәгән 721 күпфатирлы йортка капиталь ремонт ясау планлаштырылган. Хәер, проект документациясен эшләү әлёгә 649 йорт өчен генә планлаштырылган. Чыгымнар 8,46 млрд сумнан артып китәргә тиеш.