Татарстан Росреестры: «Төзедеңме – рәсмиләштер!»

Бу, мәсәлән, яңа торак йорттан хокуклар турында мәгълүматны Бердәм дәүләт күчемсез милек реестрына (ЕГРН) керткәннән соң гына файдалана башларга мөмкин дигәнне аңлата. Рәсмиләштерүдән башка йортны коммуналь хезмәтләргә, мәсәлән, электр, газ яки су белән тәэмин итүгә тоташтыру мөмкин түгел.

Закон үз көченә кергәнче төзелгән объектлар өчен мондый чикләүләр юк, ләкин документлар рәсмиләштерү кирәк булачак, әгәр хуҗа объектны сатарга яки аны инженерлык коммуникацияләренә тоташтырырга карар итсә.

Әгәр гражданин яки юридик зат йортка, бинага яки корылмага милек хокукын теркәмәгән булса, ул йортның тулы хокуклы хуҗасы дип саналмый. Бу проблемалар тудырырга мөмкин, мәсәлән, милек бәхәсләре яки гадәттән тыш хәлләр очрагында, ул чакта милек хокукын суд аша гына исбатларга мөмкин булачак.

Милек белән килешүләр – сату, бүләк итү яки васыять итеп калдыру – милек хокукы рәсмиләштерелгәннән соң гына мөмкин.

Торак яки бакча йортына хокукны гадиләштерелгән тәртиптә – «дача амнистиясе» буенча теркәргә мөмкин. Рәсмиләштерү өчен техник план әзерләү һәм документларны күпфункцияле үзәк аша яисә электрон рәвештә Росреестрга тапшыру да җитә.

Моннан тыш, узган елның мартыннан җир участокларын межалау мәҗбүри шарт булып тора.

Әгәр чикләр билгеләнмәгән икән, күчемсез милек белән килешүләр төзү: аны сату, бүләк итү һәм башка гамәлләр башкару шулай ук мөмкин түгел.