Татарстан Росреестры дүрт ай эчендә 68 күп фатирлы яңа йортны теркәгән

2026 ел башыннан Татарстан Росреестры 68 күп фатирлы йортны кадастр исәбенә куйган. Аның каравы узган елның шушы чорында 35 объект теркәлгән булган.

Ведомство җитәкчесе урынбасары Нияз Галиәкбәров хәбәр иткәнчә, республикада яңа төзелешләрне рәсмиләштерү, документларның тулы пакетын вакытында тапшырганда, гадәттә 2-3 эш көне тәшкил итә.

Йортлар белән бергә фатирлар, торак булмаган биналар һәм машина урыннары исәпкә куела. Ел башыннан барлыгы 12 меңнән артык бина теркәлгән, шул исәптән 9 меңнән артык фатир.

Росреестрда йорт салучылар документларны электрон рәвештә генә тапшырырга тиеш, дип искәрттеләр. Милек хокукын теркәгәннән соң сатып алучыга Бердәм дәүләт күчемсез милек реестрыннан өземтә тапшыралар.

Чыганак «Вести Татарстан»