Татарстан Роспотребнадзоры ата-аналар көннәрендә лагерьларда балаларга алып килергә тыелган азык-төлекне атады

Җәйге лагерьларда сменалар башланыр алдыннан брифингта Татарстан Роспотребнадзоры җитәкчесе Марина Патяшина ата-аналар көннәрендә балаларга тапшырырга ярамый торган азык-төлекне атады.

Патяшина сүзләренә караганда, лагерьларны тикшергәндә идарә белгечләре еш кына балаларның тумбочкаларында азык-төлек белән агулануга китерергә мөмкин булган продуктларга тап булалар. Сүз нәрсә турында бара соң? Балаларга тиз бозыла торган ризыклар: пирожныйлар, тортлар, итле коймаклар һәм казылык бирү тыелган. Шулай ук белгечләр бу исемлеккә чипслар, квас, газлы эчемлекләр һәм сагызны керткәннәр. Ата-аналар көннәрендә җиләк-җимеш, су, соклар, чикләвекләр, печенье, зефир һәм башкаларны тапшырырга мөмкин.

Чыганак: Казань КП