Татарстан олимпиадаларда җиңүчеләр саны буенча лидерлар рәтендә

Дәүләт Думасы депутаты Татьяна Ларионова сүзләренә караганда, һәр шундый җиңү артында укучының зур хезмәте, гаилә ярдәме һәм укытучыларның осталыгы тора. Ул билгеләп үткәнчә, хакимият кайда гына яшәсәләр дә, барлык балаларга тигез мөмкинлекләр тудырырга тырыша.

РФ Иҗтимагый палатасының Татарстаннан әгъзасы Ольга Павлова билгеләп үткәнчә, бүгенге олимпиадаларда җиңүчеләргә әле булмаган технологияләр белән эшләргә туры киләчәк. Югары уку йортыннан тар белгечлек кенә җитми – даими рәвештә яңаны өйрәнә белергә кирәк. Аның фикеренчә, Татарстан үзенең талантлы укучылары ярдәмендә инженерлык һәм дисциплинаара өлкәләрдә алга китеш өчен көчле кадрлар резервы булдыра ала.

Ул Татарстан Республикасы Рәисе Рөстәм Миңнехановның «талантлы яшьләр республикада калырга тиеш», дигән сүзләрен искә төшерде. Моның өчен югары технологияле эш урыннары һәм реаль бурычлар кирәк, ди Ольга Павлова. Югыйсә мәгариф федераль үзәкләргә кадрлар китерүгә генә әвереләчәк.

Чыганак: НТР24