Татарстан Фәннәр академиясе «Дрон-Иминлек» Ассоциациясе белән килешү имзалады

ТР Фәннәр академиясе һәм «Дрон-Иминлек» Ассоциациясе бергәләп пилотсыз технологияләр белән бәйле юнәлешләрне үстерәчәкләр. Хезмәттәшлек турындагы килешүне яклар «Дрон Экспо 2026» пилотсыз авиация системаларының Халыкара күргәзмә-форумы мәйданчыгында имзалады, дип хәбәр иттеләр академиянең МАКСтагы каналында.

Тантанада ТР Фәннәр академиясе президенты Рифкать Миңнеханов һәм «Дрон-Иминлек» Ассоциациясе идарәсе рәисе Рамил Рәхмәтуллин катнашты.

«Дрон-Иминлек» ассоциациясе пилотсыз очу аппаратларын куллану белән бәйле куркынычлардан саклануның бердәм системасын булдыру өчен җитештерүчеләрне, заказчыларны һәм фәнни оешмаларны берләштерә.

Чыганак: Татар-информ