Сугышчы-интернационалистлар һәм махсус хәрби операциядә катнашучылар Балалар сәнгать мәктәбе укучылары белән очраштылар

Бу дата уңаеннан Балалар сәнгать мәктәбендә кунакларны каршы алдылар. Укучылар белән очрашуга Сугышчан туганлык әгъзалары килде. Сергей Жуков ярдәмендә балалар сугышчы-интернационалистлар һәм махсус хәрби операциядә катнашучылар белән очраштылар.
«Сугышчан туганлык» иҗтимагый оешмасының җирле бүлекчәсе җитәкчесе, ике Кызыл Йолдыз ордены кавалеры Рәфис Мәхмүтов балалар белән соңгы вакыйгаларның әһәмияте, чистайлыларның фронтка күрсәткән ярдәме турында сөйләште. Бу чара вакытында Рәфис Ирек улына махсус хәрби операциягә ярдәм иткәне өчен күкрәк билгесе тапшырылды.
Медальгә танкистлар берлеге вәкиле Илсур Гатауллин да лаек булды, бу бүләкне аңа шулай ук әлеге чарада сәнгать мәктәбе укучылары һәм укытучыларының көчле алкышлары астында тапшырдылар.
Хәзерге вакытта ялда булган махсус хәрби операциядә катнашучы һәм чараның башка кунаклары малайларга һәм кызларга фронтта солдатларның үзләренә җибәрелгән балалар хатларын җылылык белән укулары һәм рәсемнәрне сөенеп караулары турында сөйләделәр. Алар билгеләп үткәнчә, балаларның игътибары аларны җиңүләргә илһамландыра һәм өйләрен сагынуларын бераз баса.
Яңа гына махсус хәрби операция бара торган зонадан кайткан волонтер Олег Ярмөхәммәтов солдатларга гуманитар ярдәм илтү, гади кешеләрнең фронтка ничек ярдәм итүләре, эшебезнең хак, илебезнең көчле булуы һәм, һичшиксез, дошман һөҗүмнәренә каршы торачагы турында сөйләде.
Сугышчан туганлык һәм сәнгать мәктәбе әгъзалары алга таба хезмәттәшлек турында килештеләр, балалар безнең батыр сугышчыларыбызга рәсемнәр ясарга һәм хатлар язарга вәгъдә иттеләр.