СИБУР хезмәт шартларын яхшыртуга 23 млрд сум юнәлдергән

СИБУР «Түбән Кама Нефтехим»да хезмәт шартларын яхшыртуга 23 млрд сумнан артык акча җибәрде. Әлеге программаның төп проектларыннан берсе Түбән Камада төзелеп беткән яңа җитештерү-административ комплекс булды.

18 мең кв. метр мәйданлы яңа җиде катлы комплекс административ хезмәтләрне һәм технологик процесслар белән идарә итү алып барыла торган үзәк оператор бүлмәсен бер түбә астына берләштергән. Россия нефть химиясе тармагы өчен бу беренче шундый проект.

Элек офис командалары, җитештерү бүлекчәләре һәм операторлар сәнәгать зонасының төрле өлешләрендә урнашкан булган. Хәзер аларның эше бер урында тупланган, бу исә коммуникацияне тизрәк төзергә, карарларны тизрәк кабул итәргә һәм җитештерү процессларын нәтиҗәлерәк координацияләргә мөмкинлек бирә.

Комплекс шулай ук хезмәтне оештыруга, хезмәткәрләрнең иминлегенә һәм уңайлылыгына заманча таләпләргә җавап бирә.

Чыганак: «Татар-информ»