Сез илебезнең киләчәген әзерлисез!

Укытучы хезмәте элек-электән иң игелек­ле, мактаулы хезмәтләрнең берсе булып саналган. Әлеге һөнәр зур сабырлык, үзеңне, вакытыңны аямыйча эшләүне, балаларны чын күңелдән яратуны таләп итә. Сез бик кирәкле һәм мөһим эш башкарасыз — илебезнең киләчәген әзерлисез. Аның нинди булачагы бүгенге укытучның тәҗрибәсеннән һәм белеменнән тора. Безнең район педагогларына менә дигән һөнәри һәм кешелек­лелек сыйфатлары: югары дәрәҗәдә компетентлык, инновацияләргә әзер булу һәм мобильлекнең югары дәрәҗәсе, үз укучыларын ихлас ярату кебек сыйфатлар хас. Әхлакый иминлек, тормышка аек караш һәм үсеп килүче буынның һөнәри үзбилгеләнеше дә сездән тора.
Бүген без райныбызның һәм шәһәребезнең белем бирү учреждениеләре педагогларының, укучыларының, студентларының җиңүләре һәм казанышлары белән горурланабыз.
Киң күңелле, юмарт, эчкерсез һәм үз һөнәрегезгә бирелгән булуыгыз өчен сезгә зур рәхмәт! Укучыларыгызның яратуы һәм ата-аналарның хөрмәте сезне яңа эшләргә, иҗатка рухландырсын. Ихлас күңелемнән сезгә һәм гаиләләрегезгә ныклы сәламәтлек, иминлек, бәхет телим!
Дмитрий Иванов, Чистай муниципаль районы башлыгы