Сайлаулар тыныч узсын: Дмитрий Иванов сайлаучыларның иминлеген тәэмин итәргә кушты

Ул район башлыгы Дмитрий Иванов рәислегендә узды.

Сайлауларга әзерлек һәм аларны үткәрү чорында террорчылык янауларын кисәтү, җәмәгать иминлеген һәм хокук тәртибен тәэмин итү буенча күрелгән чаралар турында Россия Эчке эшләр министрлыгының Чистай районы буенча бүлегенең җәмәгать тәртибен саклау буенча полиция начальнигы урынбасары Василий Кузьмин хәбәр итте.

— Россия Эчке эшләр министрлыгының Чистай районы буенча бүлеге террорчылык күренешләренә юл куймауга һәм килеп туган хәлгә вакытында тәэсир итүгә юнәлдерелгән оператив-кисәтү чаралары комплексы үткәрә, — дип билгеләп үтте ул. — Планлаштырылган чараларның үтәлешен контрольдә тотуны оештыру, сайлаулар вакытында җәмәгать тәртибен тәэмин итүдә җәлеп ителгән көчләрне һәм чараларны координацияләү максатларында, шул исәптән башка хокук саклау органнары белән үзара хезмәттәшлек буенча, хәлнең мөмкин булган катлаулануына тәэсир итү буенча идарә карарлары эшләү максатларында оператив штаб һәм эшче төркем төзелде. Бүлекнең шәхси составы сайлауларга әзерлек һәм аларны үткәрү чорына көчәйтелгән эш режимына күчерелә.

Бу мәсьәлә буенча өстәмә доклад белән Чистай районы буенча күзәтчелек эшчәнлеге һәм кисәтү эше бүлеге башлыгы Госман Гатин чыгыш ясады. Ул сайлаулар вакытында янгын иминлеген тәэмин итү буенча башкарылган эшләр комплексы турында сөйләде.

— Күзәтчелек эшчәнлеге бүлеге янгын куркынычсызлыгы таләпләрен үтәү буенча контроль-күзәтчелек чаралары оештырылган барлык тавыш бирү урыннарын исәпкә алды, — дип хәбәр итте Госман Равил улы. — Тавыш бирүнең һәр объектында бүлек, 67нче номерлы янгын-коткару часте, ирекле янгын күзәтчелеге хезмәткәрләреннән торган кизү тору оештырылачак.

Чыгыш ясаучыларны тыңлап, район башлыгы барлык юнәлешләр буенча җәмәгать иминлеген һәм хокук тәртибен тәэмин итү буенча кирәкле гамәлләрне төгәл башкарырга кушты.