Шәһәр үзәгендәге чокыр узган елдан бирле ямалмаган
Чистайда юллардагы чокырларны ямау тулы көченә бара. Юлларның күбесе буенча, көтмәгәндә автомобиль тәгәрмәче белән ватылган асфальт урынында барлыкка килгән чокырга килеп керүдән курыкмыйча, йөрергә мөмкин.
Әмма хәтта шәһәр үзәгендә дә ремонт таләп итә торган юллар бар. Шундыйларның берсе турында шәһәрдә яшәүче Татьяна Муравьева «Чистай-информ» редакциясенә шалтыратып искә төшерде:
– Шәһәрдә чокырларны ремонтлау эшләре әле тәмамланмаган вакытта, «Кама» сәүдә үзәге һәм Сбербанк арасындагы юл участогын искә төшерәсем килә. Анда узган елдан бирле асфальттагы чокыр ямалмаган. Күрәсең, ул вакытта аны күрмәгәннәр, быел да шулай булыр дип куркам.
Шәһәр үзәге бит, җәяүлеләр, автомобильләр күп. Юлдагы чокыр йөргәндә уңайсызлыклар тудырып кына калмыйча, шәһәргә дә матурлык өстәми.
Следите за самым важным и интересным в Telegram-каналеТатмедиа
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев