Шәһәр Советының кырыгынчы утырышы узды

Шәһәр Советының чираттагы кырыгынчы утырышында депутатлар 5 мәсьәлә буенча фикер алыштылар. Утырышны шәһәр башлыгы урынбасары Михаил Ксенофонтов алып барды.
Көн тәртибендәге беренче мәсьәләдә мөлкәтне шәһәр милкенә кабул итү мәсьәләсе каралган иде. Бу тема буенча муниципаль районның җир һәм мөлкәти мөнәсәбәтләр палатасы җитәкчесе Марина Исхакова чыгыш ясады.
Сүз Дорожная урамыннан Союзная урамына кадәр автомобиль юлы турында барды. Элек объект муниципаль район милкендә булган.
Марина Юрьевна шулай ук шәһәр Советының «Кече һәм урта эшмәкәрлек субъектлары арендалый торган шәһәр милкендәге күчемсез милекне читләштерү турындагы нигезләмәне раслау хакында»гы карарына үзгәрешләр кертү турындагы докладын тәкъдим итте.
Депутатлар шулай ук шәһәр Советы депутатларын сайлауны уздыру өчен бер мандатлы сайлау округлары схемасын раслау турында да сөйләштеләр.
— Чистай киңәя, яңа урамнар, адреслар барлыкка килә. Сайлаучылар санын округлар буенча тигез бүлү максатыннан, бер мандатлы округлар составына яңа урамнар кертелде, — диде үз чыгышында шәһәр башлыгы урынбасары Михаил Ксенофонтов.
Депутатлар каравына шулай ук «Чистай шәһәре» муниципаль берәмлегендә муниципаль хезмәт турында»гы һәм «Чистай шәһәре» муниципаль берәмлеге территориясендә туристлык салымын билгеләү һәм гамәлгә кертү турында»гы шәһәр Советы карарларына үзгәрешләр кертү хакында карарлар чыгарылды.
Утырышның көн тәртибендәге барлык пунктлары буенча депутатлар бертавыштан раслау карарлары кабул иттеләр.