Россия Геройлары Чистай укучылары өчен Батырлык дәресләре үткәрделәр

«Ватан Геройлары вахтасы» Бөтенроссия проекты кысаларында мәктәп укучылары өчен Батырлык дәресләрен РФ Герое, РФның атказанган хәрби очучысы Анатолий Копыркин һәм РФ Герое Алексей Кораблев үткәрделәр.
Алар 1нче лицейның өлкән сыйныф укучыларына кунакка килделәр. Уку йорты коридорында тантаналы линейка узды, анда укучылар кунакларны ачык йөз белән каршы алдылар. Аннары барысы да мәктәп китапханәсенә Батырлык дәресенә керделәр.
— Исегездә тотыгыз, Ватан әни кебек бер генә, башка андый туган илебез булмаячак, — дип мөрәҗәгать итте лицей укучыларына Анатолий Копыркин. — Без илебезне яратырга һәм сакларга, аның үсешенә һәм чәчәк атуына үз өлешебезне кертергә тиешбез.
Очрашу Россия һәм Советлар Союзы геройларына багышланды. Мәктәп укучылары тагын бер тапкыр сугышчыларның батырлыкларын искә төшерделәр һәм: «Чын герой кем ул?» — дигән сорауга җавап бирделәр.
Аннары укучылар кунакларга үзләрен кызыксындырган сорауларны бирделәр. Анатолий Копыркин аларның барысына да бик теләп җавап бирде, шулай ук ни өчен Россия Герое исемен алуы һәм ни өчен очучы булырга карар кылуы турында сөйләде.
— Очучы булу — минем балачак хыялым иде. Миңа 6-8 яшь булганда, илдә галәмне өйрәнү белән актив шөгыльләнә башладылар. Ә кешенең галәмгә беренче очышыннан соң, барлык малайлар да очучы яки космонавт булырга теләделәр. 8нче сыйныфта укыганда мин очучы булырга карар кылдым. Шулай килеп чыкты да — 10 сыйныфтан соң Балашов югары хәрби авиация очучылар училищесына укырга кердем, — дип үз тормышы белән уртаклашты Анатолий Степанович.
Патриотик дәрестән соң ул шулай ук очучылар училищесына укырга керергә теләгән өлкән сыйныф укучыларының берсе китабында култамга калдырды. Шулай ук мәктәпнең Хәтер китабында үгет-нәсыйхәт сүзләрен язды.
Россия Геройлары кадет интернат-мәктәбендә дә булдылар, анда алар шулай ук укучылар белән патриотик темаларга әңгәмә кордылар.
— Сезнең өчен патриот булу нәрсәне аңлата? — дип кызыксындылар кадетлар.
— Беренче чиратта, патриот булу, димәк, үз Ватаныңны ярату, — дип җавап бирде Алексей Кораблев.
Кадетлар белән очрашу мәктәп музее буйлап экскурсия белән тәмамланды, анда кунакларга героик вакыйгалар белән бәйле тарихи экспонатлар күрсәтелде.
Бу чара мәктәп укучылары өчен мөһим вакыйгага әверелде. Ул аларны киләчәк казанышларга рухландырды һәм патриотик рухны ныгытты.
— Кадерле малалар һәм кызлар, үз тормышыгызны балаларыгыз һәм оныкларыгыз сезнең белән горурланырлык итеп корыгыз, — диделәр кунаклар.
Россия Геройлары шулай ук «Ватан» хәрби-патриотик эш һәм хәрби хезмәткә чакырылуга кадәрге яшьләрне әзерләү үзәгендә булдылар. Анда алар учреждениенең патриотик эше белән таныштылар, шулай ук «Выстрел» һәм «Сугышчан туганлык» эзләү отряды музейларында булдылар, анда төрле еллардагы сугыш урыннарыннан экспонатлар карадылар.
Моннан тыш, алар «Ватан» үзәгендә уза торган «Авангард» хәрби-патриотик уку җыеннарында катнашучылар белән аралаштылар.
Алексей Кораблев һәм Анатолий Копыркин район башлыгы Дмитрий Иванов, «Сугышчан туганлык» Бөтенроссия ветераннар иҗтимагый оешмасы бүлекчәсе рәисе Рәфис Мәхмүтов белән бергә махсус хәрби операциядә һәм локаль конфликтларда катнашучылар, шулай ук Россия Герое Игорь Груднов һәйкәлләренә чәчәкләр салдылар.
Мондый очрашулар яшьләрне рухландыра. Егетләр һәм кызлар үз илләренә карата аерым бер якынлык һәм хөрмәт тоя башлыйлар, чын геройлар турында хәтерне саклыйлар.

Анатолий Копыркин
Балашов югары хәрби авиация очучылар училищесын һәм Ю. А. Гагарин исемендәге хәрби-һава академиясен тәмамлаган.
Эскадрилья командиры, 110нчы хәрби-транспорт авиация полкы командирының тәрбия эше буенча урынбасары, 2002 елдан — Югары Баш командованиенең 61нче һава армиясенең хәрби әзерлек бүлегенең өлкән очучы-инспекторы.
2002 елда Әфганстанга гуманитар йөк ташу операциясендә катнаша.
Копыркин — үз гомерендә 4 типтагы самолетны үзләштергән хәрби очучы-снайпер. Очучының гомуми очуы 5600 сәгать тәшкил итә.
1992 елның 28 августында Копыркин мөмкин
булмаганны эшли. Кабулда, талибларның уты астында, ул бәреп төшерелгән самолет экипажын алып, тишелгән тәгәрмәчләр белән очып китә һәм Үзбәкстанның Кокайды аэродромында авыр йөк төялгән Ил-76 очкычын утырта ала.
Кабулда Россия гражданнарын һәм чит ил миссияләре хезмәткәрләрен эвакуацияләү буенча махсус бурычны үтәгәндә күрсәткән батырлыгы һәм кыюлыгы өчен «Россия Федерациясе Герое» исеменә лаек була.

Алексей Кораблев
1998 елның декабрендә Алексей Кораблев Россия Федерациясе Кораллы Көчләренә ашыгыч хезмәткә чакырыла.
Хезмәтне 58нче армиянең Ленин орденлы, Кызыл Байраклы, Суворов һәм Богдан Хмельницкий орденлы 503нче гвардия мотоукчылар Фастовский полкында үтә.
1999 елның октябрендә Кораблев үзенең бүлекчәсе составында икенче Чечен сугышы чорында хәрби хәрәкәтләрдә катнашу өчен Чечен Республикасына бара. Бамут, Шәле, Урус-Мартанны алу операцияләрендә катнаша.
2000 елның 14 гыйнварында Төньяк Кавказ төбәге территориясендә террорчылыкка каршы операция үткәргәндә күрсәткән батырлыгы һәм каһарманлыгы өчен Алексей Кораблев «Россия Федерациясе Герое» исем