Россия Герое Игорь Грудновның хатыны чистайлыларга рәхмәт сүзләре белән мөрәҗәгать итте

«Чистай хәбәрләре» газетасы редакциясенә Россия Федерациясе Герое генерал-полковник Игорь Грудновның тол хатыны мөрәҗәгать итте. Безнең басма битләре аша Светлана Николаевна чистайлыларга рәхмәт сүзләрен җиткерде.

— Кадерле чистайлылар! 12 июнь көнне Тегермән мәйданы микрорайонында мөһим вакыйга — якташыгыз, Россия Федерациясе Герое генерал-полковник Игорь Сергеевич Грудновка һәйкәл ачу тантанасы узды. Шәһәрдә яшәүчеләргә битараф калмаганнары, бу чарада катнашканнары, Геройлар турындагы хәтерне хөрмәт иткәннәре өчен чын күңелдән рәхмәт белдерәм. Бу көнне, сезнең кунакчыллыгыгызны һәм игелегегезне, күңелдәге җылылык һәм олы рәхмәт белән искә алачакмын. Сезнең алдыгызда баш иям, сезгә сәламәтлек, иминлек, тыныч күк йөзе һәм Чистайның чәчәк атуын телим! — дип яза Светлана Груднова.