Район башлыгы Дмитрий Ивановның Россия иминлек органнары хезмәткәре көне белән котлавы

Бүген һөнәри бәйрәмне Россия Федерациясе дәүләт һәм милли иминлек органнары хезмәткәрләре билгеләп үтә. Алар – үз гомерләрен милли суверенитетны һәм илебез гражданнарының мәнфәгатьләрен яклауга багышлаган кешеләр.

Оператив шартларда эш итеп, сез җинаятьчелеккә каршы көрәшергә әзер, илдә тотрыклылыкны саклауда актив ярдәм итәсез, гражданнарның, җәмгыятьнең һәм дәүләтнең иминлеген тәэмин итәсез.

Дәүләт куркынычсызлыгы органнарында хезмәт итү тирән белем, шәхси батырлык, кыюлык һәм бурычка тугрылык таләп итә. Чистай хезмәткәрләрен нәкъ менә шушы сыйфатлар һәрвакыт аерып тора. Алар җилкәсендә җаваплы миссия – террорчылыкка, экстремизмга, оешкан җинаятьчелеккә һәм башка янауларга каршы көндәлек көрәш ята.

Хезмәтнең башлангычында торган һәм яңа буыннар өчен ныклы офицерлык традицияләренә нигез салган ветераннар аерым хөрмәт һәм рәхмәт сүзләренә лаек. Алар батырлык һәм тирән патриотизм үрнәге булып торалар.

Хөрмәтле иминлек органнары хезмәткәрләре һәм ветераннары! Еш кына гомерегезне куркыныч астына куеп, фидакарь хезмәт иткәнегез өчен ихлас рәхмәтебезне кабул итегез. Сезгә Ватан хакына хезмәтегездә уңышлар, яңа һөнәри казанышлар, нык сәламәтлек һәм якыннарыгызның ярдәмен тоеп яшәвегезне телим.