Мөһим даталар ритмында: әнине яратудан алып Ватанга хөрмәт белән карауга кадәр

Иң якыннарыбыз өчен оештырылган күңелне кузгатырлык бәйрәмнәрдән алып дәүләт символларын тирәнтен өйрәнүгә кадәр, Батырлык дәресләреннән алып спорттагы вакыйгаларга кадәр — безнең һәр эшебез гражданлык шәхесенең нигезенә кирпеч. Без өйрәнәбез, иҗат итәбез, истә тотабыз һәм ярдәм итәбез, мөһим даталарны чынбарлыктагы гамәлләргә һәм уңай хис-кичерешләргә әверелдерәбез.

Әйдәгёз, соңгы вакыйга­ларның хроникасын бергәләп карап чыгыйк, анда әниләргә чын күңелдән рәхмәт җитке­рүдән әләмгә хөрмәт белән карау, ә билгесез солдатлар турындагы хәтёр — канатлы дусларыбыз турында кайгырту белән янәшә тора. Бу — Алдынгылар хәрәкәтенең җанлы, күпкырлы тормышы!

Бәйрәм белән, кадерле әниләребез!

Әниләр көне алдыннан Алдынгылар иҗат атнасы үткәр­деләр:

— 2нче гимназия укучылары әниләр өчен чәчәк бәйләмнәре ясадылар, ә 1нче гимназия укучылары музыкаль сюрпризлар әзерләделәр;

— 1нче мәктәп Алдынгылары әниләр һәм 7нче балалар бакчасына йөрүче аларның сабыйлары өчен флешмоб әзерләделәр;

— Мөслим һәм 5нче мәктәп укучылары мастер-класс үткәрделәр, анда открыткалар ясадылар;

— Каргалы гимназиясенең Алдынгылар хәрәкәтендә катнашучылары «Рәхмәт, әни!» акциясендә катнаштылар;

— Чистай Выселкасы һәм кадет мәктәпләренең Алдынгылары котлау роликлары төшерделәр!
Алдынгылар хәрәкәтендә катнашучылар әниләре белән матур көн үткәрделәр! Иҗади атмосферада без шәмдәлләр һәм хуш исле шәмнәр ясадык. Социаль партнерларыбыз ярдәме белән бу бәйрәм тагын да ямьлерәк килеп чыкты! Без бергәләп танып белү уеннары аша экология һәм юл хәрәкәте кагыйдәләре дөньясына чумдык. Һәр көн якыннарыгызга мәхәббәт һәм игътибар белән тулы булсын!

Татарстан Республикасы әләме көне белән
Безнең китап клубыннан Алдынгылар Татарстан турында китаплар дөньясына чумдылар, аның бай тарихы һәм гореф-гадәтләре турында фикер алыштылар. Ә бу мөһим көнне билгеләп үтү өчен безнең һәркайсыбыз әләм формасында үз значогын ясады! «Без — Россия гражданнары» проекты кысаларында беренче тапкыр паспорт алган катнашучыларыбызны котлау аеруча дулкынландыргыч мизгел булды.

Россия Федерациясенең Дәүләт гербы көне
Кадет мәктәбе Алдынгылары Россия бөркетләре өчен дәрес үткәрделәр! Малайлар һәм кызлар гербның ни өчен илебез өчен мөһим булуын һәм аның милли тиңдәшлекне формалаштырудагы роле турында фикер алыштылар.6нчы мәктәпнең Алдынгылар хәрәкәтендә катнашучылары «Россиянең дәүләт символлары» дигән тематик видеоролик күрсәттеләр!

Мөһим нәрсәләр турында сөйләшү
16нчы мәктәптә безнең иртә мөһим нәрсәләр турында сөйләшүдән башланды. Алдынгылар «Волонтерлык һәм ихтыярлылык» юнәлёше кысаларында Бөтендөнья йорт хайваннарын яклау көне турында сөйләделәр! Шулай ук малайлар һәм кызлар хәрәкәтнең максаты, кыйммәтләре һәм проектларның күптөрлелеге белән таныштылар.

Билгесез солдат көне!
2нче гимназиядә Батырлык дәресе үтте, анда Алдынгылар «Чистай — фронтка» волонтерлык берләшмәсе җитәкчесе Чулпан Сөләйманова белән аралаштылар. Бу истәлекле көнне «Без — Россия гражданнары» акциясе кысаларында яшь гражданнарга паспортлар тапшыру тантанасы узды.
6нчы мәктәп Алдынгылары Россиянең кечкенә бөркетләре өчен «Кызыл канәфер» акциясе үткәрделәр, анда әлеге әһәмиятле көннең символын ясадылар.
4нче мәктәпнең Алдынгылар хәрәкәтендә катнашучылары һәлак булган геройларны искә алу өчен Мәңгелек ут янына бардылар. Ә Каргалы гимназиясе укучылары «Үзебезнекеләрне ташламыйбыз» акциясендә катнаштылар, алар тагын бер мас­кировкалау челтәрен эшләп бетерделәр.
Кадет мәктәбе Алдынгылары исә «Батырлык эзләре буйлап» дип исемләнгән тарихи квест уздырдылар.

Кем спортны ярата — шул сәламәт һәм көр була
2нче гимназия Алдынгылары Халыкара инвалидлар көне кысаларында психоневрологик интернатта булдылар һәм күңелле спорт уеннары үткәрделәр! Игелекле гамәлләр кылуда һәм үзара аңлашуда — көч!

Шәп очрашу
Алдынгылар «Чиста болыннар» тыюлыгы һәм 10нчы мәктәп укучылары белән бергә менә дигән очрашу үткәрделәр. Укучылар кышлаучы канатлы дусларыбыз турында белделәр. Ә аннары алар алган белемнәрен практикада ныгыттылар: үз куллары белән сокландыргыч кошчыклар ясадылар!

Язма авторы Лиана Беспалова, «Медиа һәм коммуникацияләр» юнәлёше лидеры