Машина төзүче көне белән!

Һөнәри бәйрәмегез белән чын күңелдән котлаулар кабул итегез. Машина төзелеше тармагын һич арттырусыз теләсә кайсы илнең сәнәгать комплексы нигезе дип атыйлар. Бу өлкә һәрвакыт Чистай районы икътисадында төп өлкәләрнең берсе булды һәм булып кала, аның үсешенә өлеш кертә. Соңгы елларда тармакның акрынлап үсүе сөендерә: күләмле проектлар, алдынгы фәнни эшләнмәләр гамәлгә ашырыла, кыю конструкторлык һәм инженерлык карарлары тормышка ашырыла.

Районыбызның машина төзелеше тармагында югары профессиональ, үз эшенә тугры кешеләр эшли, алар катлаулы технологик процесслар белән идарә итәләр, югары җитештерү нәтиҗәләренә ирешәләр.

Сезгә фидакарь хезмәтегез өчен рәхмәт белдерәм. Предприятиеләрнең тотрыклы эшләвен, кызыклы, яңа идеяләр телим. Тармак ветераннарына аерым рәхмәт сүзләре җиткерәм. Сез салган нигез җитештерү базасын үстерергә, яшьләргә тәҗрибә тапшырырга мөмкинлек бирә.

Машина төзүчеләргә чын күңелдән яңа җитештерү казанышлары, нык сәламәтлек, тотрыклылык һәм иминлек телим!

Дмитрий Иванов, Чистай муниципаль районы башлыгы