Машина йөртүчеләр Яңа ел белән котладылар

Акция дүртенче тапкыр үткәрелә. Моңа кадәр автомобиль йөртүчеләр Яңа ел алдыннан – чыршы һәм кар бөртеге, ә Җиңү көненә йолдыз ясаганнар иде.

– Без һәр автомобильне ничек бас­тырырга кирәклеген алдан ук уйлыйбыз. Елдан-ел катнашучылар саны арта, өстәвенә, әлеге процесс оешкан төстә бара, – ди флешмобны оештыручыларның берсе Валентина.

Кыш бабай, Кар кызы һәм башка әкият геройлары бүләкләр тараттылар, күпләр алар белән фотога төшәргә ашыктылар.

– Монда, һәрвакыттагыча, күңел­ле, тату, шәп, кызыклы. Катнашучылар бик күп, алар бирегә бик теләп киләләр. Автомобиль берләшмәсе флешмоблары машина йөртүчеләрне бер-берсенә якынайта. Барысы да танышалар һәм киләчәктә дә юлда бер-берсенә ярдәм итәләр, – дип билгеләп үтте Александр Котов.

Флешмобта яшь катнашучылар өчен конкурслар һәм викториналар оештырылды. Барлык катнашучылар ЮХИДИ бүлеге хезмәткәрләреннән бүләкләр алдылар. Теләгәннәр кайнар чәй һәм тәм-томнар белән сыйландылар. Акция ахырында ипподром өстендәге күктә фейерверк утлары җем-җем килде.