Күпфатирлы йорт подъездларын идарәче компанияләр хезмәткәрләре җыештырачак

Әлеге хезмәтне башкарган өчен айлык хезмәт хакы каралган. Исәп- хисап коммуналь хезмәтләр белән бергә түләү квитанцияләрендә язылачак.

Бу хакта Чистай идарәче компанияләренең рәсми сайтында хәбәр ителә.

– Баскыч идәннәрен юу, җыештыру кебек төп эшләр 5 көннән дә соңга калмыйча үткәреләчәк, ә стеналар елына ике тапкыр юылачак. Ә барлык өслекләрне җыештыру аена бер тапкыр үткәреләчәк, – дип хәбәр ителә анда.

Җыештырган өчен тариф квадрат метрга 2,97 сумнан чыгып исәпләнә. Әлеге яңа хезмәт турында йортларда яшәүчеләргә подъездлар ишекләре төбенә элеп куелган белдерүләрдә хәбәр ителә.