КДМУ студентларына закондагы яңалыкларның ничек эшләячәге турында сөйләделәр

Яңалыклар нигезендә, уку йортын тәмамлаганнан соң яшь табиблар дәүләт гарантияләре программасы буенча ярдәм күрсәтә торган клиникада остаз белән бергә эшләргә тиеш булачак.

«РФда гражданнарның сәламәтлеген саклау нигезләре турында»гы законга һәм «РФда Мәгариф турында»гы законга төзәтмәләр 2026 елның 1 мартыннан үз көченә керә.

Интернет челтәрендә студентлар моңа риза түгелләр, хәтта массакүләм рәвештә югары уку йортларыннан документларын алалар дигән мәгълүмат тарала.