Казаннан Мәскәүгә баручы поездларда пассажирлар агымы ике ай эчендә 4 процентка арткан

Казаннан Мәскәүгә баручы поездлардан гыйнвар һәм февральдә 102,6 мең пассажир файдаланган. Бу узган елның шул ук чоры белән чагыштырганда 4,1%ка күбрәк, дип хәбәр иттеләр Горький тимер юлының Казан төбәге матбугат хезмәтендә.

Хәбәрдә билгеләп үтелгәнчә, 2026 елның гыйнвар–февралендә Горький тимер юлында Казан һәм Мәскәү арасында ерак араларга йөрүче поездларда пассажирлар йөртү үсүен дәвам итә. Хәзерге вакытта ике шәһәр арасында 17 поезд йөри.

Ике ай эчендә Горький тимер юлында пассажирлар агымы арткан: Түбән Новгородтан Мәскәүгә – 7,9%ка, Кировтан – 1,4%ка, Ижаудан – 10,5% ка.

Чыганак: Вести Татарстан