Казанда Рәис катнашында Татарстанның тарихи биналарының киләчәге турында фикер алыштылар
Татарстан Республикасы Рәисе Рөстәм Миңнеханов Татарстан Хөкүмәте йортында үткәргән тарихи мирасны саклау комиссиясенең бүгенге утырышының көн тәртибендә республика башкаласындагы 16 яңа проект төп урынны алды. Комиссия шәһәр үзәгендә кунакханәләр һәм Казанның төрле районнарында торак йортлар төзүне хуплады
Борынгы биналарны саклауга аерым игътибар бирелде. Бауман урамында кафены яңарту, XIX гасырның тарихи флигельләрен торгызу һәм Горький паркы янындагы территорияне төзекләндерү планлаштырыла.
Республиканың башка шәһәрләрендә дә яңа объектлар барлыкка киләчәк: Зөядә торак йорт, Алабугада склад, Чистайда һәм Болгарда сәүдә биналары. Барлык проектлар җирлекләрнең тарихи йөзенә сак карау шарты белән хупланды.
Утырыш азагында Буа һәм Бөгелмә тарихи җирлекләре өчен чикләр һәм шәһәр төзелеше регламентларына таләпләр билгеләү буенча документлар каралды.
Исегезгә төшерәбез, күптән түгел Казанда Петербургская/Суконная урамы, 70/8 адресы буенча урнашкан борынгы бина тирәсендә низаг килеп чыкты. Экспертлар бу йортны мәдәни һәйкәлләр исемлегенә кертергә киңәш итмәделәр. Бәхәснең сәбәбе шунда: нәкъ менә монда 1885 елда мөһим тарихи шәхес, татар совет дәүләтчелегенә нигез салучыларның берсе Мулланур Вахитов туган.
Чыганак: «Реальное время»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев