Казанда гомер иткән Бөек Ватан сугышы ветераны Хаҗи Гатауллин вафат
Казанда гомер иткән Бөек Ватан сугышы ветераны Хаҗи Гатауллин 98 яшендә вафат булды, дип хәбәр итә шәһәр мэриясе
Булачак герой 1927 елда СССРның Куйбышев өлкәсенең бер авылында туган. Сугышка кадәр колхозда эшләгән. 1944 елда армиягә алынган һәм бик күп әһәмиятле хәрби операцияләрдә катнашкан. Дәүләт бүләкләренә ия булган.
Сугыштан соң Казанга күчеп килгән һәм Бауман хәрби комиссариатында хәрби комиссариат урынбасары булып эшләгән. Лаеклы ялга чыккач, актив җәмәгать эшчәнлеген дәвам иткән.
«Хаҗи Миңнәхмәт улының гомер юлы – чын патриотизм һәм Ватанга тугрылык үрнәге. Хаҗи Миңнәхмәт улы Гатауллинны белгән һәм хөрмәт иткән һәркем аны мәңге онытмас», – дип билгеләп үттеләр Казан мэриясендә.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев